A bous, qui sabet parla biarnés

Quoan se hèn enquèstes ta sabé si la yen e bolen que la lengue biarnese e demoure bibe e nou s’acabe pas quoan heran toup”s, que y a toustem ue grane mayouritat ta dise “Quió !”. Lous abilles que’n tiren la counclusion que cau espandi l’ensegnemen escoulàri de l’”occitan” e crea de mey en mey postes d’ensegnayres.

Touté, qu’at sabet per esperiénci, n’ey pas permou d’abé aprés l’anglés, l’espagnóu ou l’aleman penden anades per las escoles que lous joens e’s parlen en aqueres lengues quoan s’encountren en la bite bitante, hore dous coullègis e licèus ou en lous quites pàtis de recreacion.

Que n’ey pariè dou noùste biarnés : quoan seran perfièytemen coumpetens en aqueste lengue e parleran coum lous anciâs, soulets, lous reyens e proufessous nou s’y escaderan pas yamey a ha bébe* la lengue qui ensegnen. E pensat ço qui’n pot debira s’an aprés l’”occitan” sounque a la facultat : lou quite presiden de la balente assouciacion occitaniste Per Noste, biarnés cap e tout, qu’escrivé nagoayre en se trufan qu’adare, las pigues anidades pou tour de la facultat de letres de Pau e coumprenen, que’s parech, l’ouccitâ referenciau ! (= lou lengadouciâ).

Que’p digoun autescops lous reyens que lou patoès ère la lengue dou passat e lou francés la de l’abiéne e de la moudernitat. Puch d’autes reyens e proufessous, qu’aquet patoès ère en realitat l’ouccitâ, mes que la bóste fayçon d’ou parla e de l’escribe n’ère pas la boune, sounque eths que la sabèn coum calè. E que p’èt carats, n’abet pas gausat trasmete lou bóste sabé aus bóstes hilhes e hilhs, ta nou pas ha empach a la lou reüssite.

Mes oey, “qu’ey fenit lou tems de la bergougne” ce digou lou Francés Bayrou en lou son celèbre Prouclam de Pau de 1993. Qu’èt bous lous mey boés proufessous tad ensegna lou biarnés e lou gascon, qu’ey lou regretat proufessou Michel Grosclaude, de Per noste tabé, qui l’at escribou é die.

Alabets, proufessous de la nouste tèrre de Biarn, au tribalh ! Bóstes arrèhilhs qu’espèren las bóstes leçoés : atau qu’aurat saubade la lengue biarnese e gascoune.